Bratenklau

Velbert. Ein Böse-Buben-Streich bei Mina Kern im Birkental

We het se nit gekangt, die Oase em schüanen Birkendal. Lang verlieden send di Tieden, wo sech Jong on Ault do erfröüen koun. Of beï ner Rast en de Gadeswiatschaft, Sonndachs beï Konzert on Dangß oder beïm Kahnfahren. Gebliëwen es dat herrleche Birkendal. Et mot öm Niegentiënhongetdottech gewesen sin. Ech erenner mech an lätere Vertällsches van äuleren Geschwestern, Kosängs on Kosinen.

Suëmerdach. En der St. Josefskerk wor Missionssonndach aangesait. Ut der 8. Klass woren en paar Jonges on Weïter för den Soterschdach Nommendach en de Kerk bestault woden, öm sech Enstruktiuanen för de Sondachsmess te holen, de Jonges äs Messdiener, de Weïter för de Missiuanssammlong. Donoh gongen se all noch bichten. Tebutten komen noch en paar Blagen dotou on, do se nit fottens no Hus mosden, kom di Idee op, no Mina Kern te loupen on en kleïne Kahnfahrt te maken. Met 15 Johren woren se gän alleïn ongerwechs, wo dann ouch wallens manche Dönekes on Striëk vertappt wuëden. Kahnfahren dorfden se noch nit alleïn. Äwer met dem Kahnfahrer hadden se alt längst gekongelt, wenn se nit genoch Geild hadden. Jenohdem wie völl se woren, makden he för di Blagen twei oder dreï köttere Fahrten för eïnen Pries oder wat se an Geild tesamen kregen. Am besachden Soterschdach komen se beï Mina Kern aan on sohgen op dem Fensterbrett van de Köch 3 Kasserollen ston met je eïnem statsen Broden Fleïsch tem Afküöhlen. On dat kom de Jonges tepass. Dem Hugo (Besetzer) woulen se noch eïnen utweschen, weïl he se kots - en betschen ouch te Onreiht - sua utgeschoulen hat.

Grasch sprong einen van di Jonges dohen, di Weïter mosden äm nen Pflastersteïn aanlangen on en Tied van nix wor de Weßel gedonn. All hant sech för Spaß gekrömmt on gedriselt on sech vüörgestault, wenn de Hugo dat merkden. Met dem Broden en de Hangd liëpen se nom Diek tem Kahnfahren. Nu sökden se noh ner Müöglechkeït, van dem Fleïsch jet aftezwacken on eten te können. Keïn Metz, keïn Schiër. Ouch de Versüëk, met Hoorkämmkes van de Weïter schluech fehl. Nix te maken. - Dat schleite Gewessen kom op. On wat wor dat van Schmerereï. De Kahnfahrer gof sech ouch an't Schengen. Alsua schnappden sech de Jong den Broden - di Loft wor reïn - on breit en retour, dreihden en oontlech en der Zauß, dat et nit opfallen soul, wat äwer alt passiert wor. Men koun sech mär nit drekt dröm kömmern, denn mangs der Tied wor en der Gadeswiatschaft völl te donn. Di siewen oder acht Strategen han't sech grasch dodörch gedonn on besonnen. Et wor jo nit van der Hangd te wiesen, dat de Hugo Bescheïd woßden.

Op dem Wech no Hus komen se üwereïn, noch ens en de Kerk te gon on wenn de Kaplan noch em Bichtstuhl söt, di Söng te bichten. Äs se en de Kerk komen, begenden ennen de Kaplan on woul no Hus. „Was ist passiert?”. Ganz verschamt stammelden se öre Schangdtat, wat se nu noch bichten wöülen. De Kaplan koun sech et Grienen nit verkniepen on menden: „Meint ihr nicht, dass ihr da zu weit gegangen seid? Auf jeden Fall entschuldigt ihr euch bei Kern. Eine entsprechende Buße werde ich euch noch aufgeben.” Te Hus gof et Tabularasa, weïl se sua lat komen. Afgesenn van dem Spaziergang no Mina Kern wuëd nix vertault. Dat dicke Eng kom Mondach morgen. En der Zeïtong stong et. Onger ner gtuaten Üewerschreft: Böse-Buben-Streich bei Mina Kern! - Noch Frogen???

Maria Dübbers